“Araz-Naxçıvan” “Sabah”ın futbolçusunu icarəyə götürüb
Bakı, 13 avqust, AZƏRTAC
Abdulla Rzayev icarə əsasında “Araz-Naxçıvan”ın formasını geyinəcək.
Klubdan AZƏRTAC-a verilən məlumata görə, müqavilə ilə “Sabah”a məxsus olan müdafiəçi ilə anlaşma 1 illikdir.
24 yaşlı futbolçu 2023-2024-cü illər mövsümündə də Naxçıvan klubunun heyətində çıxış edib. O, son mövsümü “Şamaxı”da keçirib.
Qeyd edək ki, “Araz-Naxçıvan” buna qədər Tərlan Əhmədli, Ömər Buludov, İbrahim Piriyev, Ülvi İsgəndərov, Rəşad Həsənov, Alberto Qarsia Fernandes, Alexandro Herrera, Rövlan Muradov, İssouf Paro, Bruno Franko, Artur Auqusto Da Silva, Mara Mohamed, Abdallah Sudi, Mamadu Kane, Ağadadaş Salyanski, Boyan İliç, Mustafa Əhmədzadə və Luka Dumançiçlə müqavilə imzalayıb.
Bölmənin digər xəbərləri
