Arıquşu sintaksisdən istifadə edir
Bakı, 9 mart, AZƏRTAC
Alimlər sintaksisin yalnız bəşəri xüsusiyyət olması barədə iddianı təkzib ediblər. Mürəkkəb tərkibli məlumatları ötürmə bacarığı yapon arıquşularında da aşkar edilib. Dil - informasiya ötürücüsü rolunu oynayan səsli və yazılı rəmzlər sistemidir. Bu vaxta qədər dil yalnız insana aid edilirdi. Lakin son tədqiqatlar göstər ki, mürəkkəb tərkibli məlumatların ötürülməsi qabiliyyəti yalnız “Homo sapiens”ə xas deyil.
AZƏRTAC “phys.org” saytına istinadla xəbər verir ki, Yaponiya, Almaniya və İsveçdən olan alimlər qrupu aşkarlayıb ki, yapon arıquşusu, yaxud “Parus varius” adlı arıquşu məlumatladırma zamanı “təkamülləşmiş sintaksis”dən istifadə edir.
Bu kiçik quşun qarşılaşa biləcəyi çoxsaylı təhlükələr hər biri konkret mənaya malik səslər yığını yaradıb. Alimlərin sözlərinə görə, həmin səslər ya ayrıca sözlər kimi, ya da digər səslərlə birlikdə cümlə kimi istifadə oluna bilər. Qida mənbəyi tapdıqda arıquşu “dostunu” “Bura gəl” cümləsinin analoqu olan səslə yanına çağıra bilər. Alimlər şərti olaraq onu “D” hərfi” ilə işarələyiblər. Təhlükə zamanı arıquşular “ABC” səsləri çıxarırlar.
Yırtıcı yaxınlıqda olduqda və sonradan təhlükə sovuşduqda isə sıralama başqa cür olur: “ABC-D”. Alimlər tam əmindirlər ki, arıquşularda bütün davranış halları üçün “çağırışlar” var. Lakin onlar bu nitqi sintezləşdirə bilməyib: süni səs analoquna arıquşu əhəmiyyət verməyib.
Bölmənin digər xəbərləri
