Asiya Kuboku: Qətər millisi ikinci qələbəsini qazanıb
Bakı, 18 yanvar, AZƏRTAC
Qətərdə təşkil olunan futbol üzrə Asiya Kubokunun qrup mərhələsinin ikinci turunun oyunları davam edir.
AZƏRTAC xəbər verir ki, dünən A qrupunda iki matç keçirilib.
Qətər millisi ikinci oyunda da qalib gəlib. Komanda bu dəfə Tacikistan seçməsini 1:0 hesabı ilə məğlub edib. Qrupun digər qarşılaşmasında isə Livan və Çin yığmaları üz-üzə gəlib. Bu görüşdə qapılara qol vurulmayıb - 0:0.
Qeyd edək ki, Asiya Kubokuna fevralın 10-da yekun vurulacaq.
Bölmənin digər xəbərləri
