Atıcılıq üzrə Avropa çempionatında Türkiyədən ilk qızıl medal
Bakı, 31 iyul, Məhərrəm Əlioğlu, Pərvin Ələkbərov, AZƏRTAC
Atıcılıq üzrə Avropa çempionatında Türkiyə idmançısı kişilər arasında 25 metr məsafəyə tapança ilə mərkəzə atəşaçma yarışının qalibi olub.
AZƏRTAC xəbər verir ki, Türkiyə təmsilçisi Yusuf Dikeç rəqiblərindən daha yaxşı nəticə göstərərək 587 xalla qızıl medal əldə edib. Almaniyalı Kristian Reitz 582 xalla gümüş medal qazanıb.
Yarışın üçüncüsü isə 580 xalla Estoniya atıcısı Olesk Peeter olub.
Kişilər arasında 25 metr məsafəyə tapança ilə mərkəzə atəşaçma yarışında Azərbaycanı təmsil edən Ruslan Lunyov 572 xalla çempionatı 13-cü pillədə başa vurub.
Xatırladaq ki, Yusuf Dikeç “Bakı-2017” İslam Həmrəyliyi Oyunlarında kişilər arasında 50 metrdən tapança ilə atəşaçma yarışlarının çempionu olub.
Bölmənin digər xəbərləri
