ATMU-nun tələbələri Ərzurumda ”Mədəni körpülər” yay məktəbində iştirak ediblər
Bakı, 25 iyul, AZƏRTAC
Azərbaycan Turizm və Menecment Universitetinin turizm və qonaqpərvərlik ixtisası üzrə təhsil alan tələbələrindən 2-si Türkiyənin Ərzurum şəhərindəki Atatürk Universitetinin təşkilatçılığı ilə fəaliyyət göstərən “Mədəni körpülər” adlı yay məktəbində iştirak ediblər.
ATMU-dan AZƏRTAC-a bildirilib ki, adıçəkilən yay məktəbinin dinləyici korpusu 25-dən çox ölkənin müxtəlif sahələr üzrə nüfuzlu ali təhsil müəssisələrinin tələbələrindən formalaşıb. Yay məktəbinin dinləyicilərinə turizm, marketinq, menecment, sosiologiya və mədəniyyətşünaslığa dair seminarlar keçirilib. O cümlədən Türkiyənin müxtəlif şəhərlərinə gəzinti-tanışlıq turları təşkil edilib.
Qeyd edək ki, 2010-cu ildən bu günədək ATMU-nun 12 nəfər tələbəsi yay məktəbində olub.
Bölmənin digər xəbərləri
