ATMU tələbələrin Fransada istehsalat təcrübəsinin təşkilində maraqlıdır
Bakı, 14 iyul, AZƏRTAC
Azərbaycan Turizm və Menecment Universitetində (ATMU) Fransanın ölkəmizdəki səfirliyinin əməkdaşlıq və mədəniyyət müşaviri Yohan Şitterer və təhsil işləri üzrə attaşe Baptiste Mignot ilə görüş keçirilib.
Universitetdən AZƏRTAC-a bildirilib ki, ATMU-da rektor səlahiyyətlərini icra edən Eldar Aslanov qonaqlara ali təhsil müəssisəsinin Fransa universitetləri ilə müştərək layihələrinin əhəmiyyəti, mövcud və perspektiv müstəvidə icrası planlaşdırılan işlər haqqında ətraflı məlumat verib.
Qeyd edək ki, ATMU-nun beynəlxalq əlaqələr və keyfiyyət təminatı şöbəsi əməkdaşlarının da iştirakı ilə keçirilən görüşdə eyni zamanda, tələbələrin Fransada istehsalat təcrübələrinin təşkili məsələsi və bu ölkənin turizm təşkilatlari ilə əməkdaşlıq imkanları müzakirə olunub.
Bölmənin digər xəbərləri
