AUDİT MÖVZUSUNDA ƏN YAXŞI MƏQALƏLƏRİN MÜSABİQƏSİ KEÇİRİLƏCƏK
Respublika Auditorlar Palatası və “İqtisadiyyat və audit” jurnalının redaksiyası ölkəmizin kütləvi informasiya vasitələrində audit mövzusunda dərc olunmuş ən yaxşı jurnalist yazıları üçün yaradıcılıq müsabiqəsi keçirirlər. Müsabiqədən məqsəd sahibkarlıq fəaliyyətinin bir növü olan audit xidmətinin təbliği, dövlətimizin maliyyə-kredit siyasətinin həyata keçirilməsində, iqtisadi demokratiyanın genişləndirilməsində auditin yeri və rolu barədə ictimaiyyətdə dolğun təsəvvür formalaşmasına kömək etməkdir.
Auditorlar Palatasından AZƏRTAC-a bildirmişlər ki, müsabiqəyə 2003-cü ilin iyulunda- Milli mətbuat günü ərəfəsində yekun vurulacaqdır. Tanınmış iqtisadçı alimlərdən və mətbuat işçilərindən ibarət münsiflər heyətinin müəyyənləşdirdiyi ən yaxşı yazılara birici yer üçün 500 min manat məbləğində bir mükafat, ikinci yer üçün hər biri 300 min manat məbləğində iki mükafat və üçüncü yer üçün hər biri 200 min manat məbləğində üç mükafat verilməsi nəzərdə tutulmuşdur.
Müsabiqə barədə ətraflı məlumatı “İqtisadiyyat və audit” jurnalının redaksiyasından almaq olar. Telefonlar: 98-28-55, 90-65-48.
Bölmənin digər xəbərləri
