Avropa çempionatı: Qadın voleybolçulardan ibarət millimiz bu gün İsveç yığması ilə qarşılaşacaq
Bakı, 23 avqust, AZƏRTAC
Qadın voleybolçulardan ibarət Azərbaycan millisi bu gün Avropa çempionatında növbəti oyununu keçirəcək.
AZƏRTAC xəbər verir ki, Ataman Güneyligilin baş məşqçi olduğu kollektiv C qrupundakı beşinci matçında İsveç seçməsini sınağa çəkəcək.
Görüş Bakı vaxtı ilə saat 22:00-da start götürəcək.
Qeyd edək ki, yığmamız qrupda keçirdiyi əvvəlki qarşılaşmalarda Çexiyanı 3:0, Yunanıstanı 3:2 hesabı ilə məğlub edib, Almaniyaya 1:3, Türkiyəyə isə 0:3 hesabı ilə uduzub. Hazırda millimiz 5 xalla 3-cü pillədə qərarlaşıb.
Bölmənin digər xəbərləri
