Avropa İttifaqı Rusiyaya qarşı sanksiyaların müddətini uzadıb
Bakı, 20 iyul, AZƏRTAC
Avropa İttifaqı Şurası Rusiyaya qarşı bütün iqtisadi sanksiyaların müddətini daha altı ay uzadıb.
AZƏRTAC xəbər verir ki, bu barədə Avropa İttifaqı Şurasının Brüsseldə dərc olunan bəyanatında deyilir.
“Avropa İttifaqı Şurası bu gün Rusiyanın iqtisadi sektorlarına qarşı qadağaların altı ay - 2024-cü il yanvarın 31-dək uzadılması barədə qərar qəbul edib”, - deyə bəyanatda bildirilir.
Sanksiyalar ilk dəfə 2014-cü il avqustun 1-də qüvvəyə minib və hər altı aydan bir uzadılıb. Avropa İttifaqı 2022-ci ilin fevralından bəri Rusiyaya qarşı birtərəfli sanksiyaları 11 yeni məhdudiyyət paketi ilə sərtləşdirib. Bu məhdudiyyətlər rejimi Aİ tarixinin ən miqyaslı sanksiyasıdır.
Bölmənin digər xəbərləri
