Avropa İttifaqının Ukraynaya makromaliyyə yardımı barədə memorandum imzalanıb
Kiyev, 16 yanvar, AZƏRTAC
Bu gün, yanvarın 16-da Ukrayna və Avropa İttifaqı 2023-cü ildə Ukraynaya 18 milyard avro məbləğində makromaliyyə yardımı ayrılması barədə memorandum imzalayıblar.
AZƏRTAC Ukraynanın Baş naziri Denis Şmıqalın tviter səhifəsinə istinadla xəbər verir ki, Şmıqalın sözlərinə görə, Ukrayna bu yardımın üç milyard avro məbləğində birinci tranşının bu həftə ödəniləcəyinə ümid edir.
Şmıqal deyib: “Ukrayna və Aİ ölkəmizə 18 milyard avro məbləğində makromaliyyə yardımı ayrılması barədə anlaşma memorandumu imzalayıblar. Üç milyard avro məbləğində tranşın bu həftə ödəniləcəyini gözləyirik”.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
