Avropa Komissiyası: Qarşıdakı qışda enerji böhranından çıxmaq üçün “lazımi alətlərə” malikik
Bakı, 25 sentyabr, AZƏRTAC
Avropa İttifaqı Rusiya qazının alışını dayandırdıqdan sonra enerji ehtiyaclarını ödəmək üçün bir neçə onilliklər ərzində ABŞ-dan mayeləşdirilmiş təbii qaz almağa məcbur olacaq.
AZƏRTAC xəbər verir ki, bunu Avropa Komissiyasının Enerji üzrə baş direktorluğunun rəhbəri Ditte Jul Yorgensen deyib.
"Növbəti bir neçə onillikdə Amerika enerjisinə ehtiyacımız olacaq”, - deyə o bildirib.
D.Yorgensen, həmçinin Aİ-nin qarşıdakı qışda enerji böhranını aradan qaldırmaq üçün “lazımi alətlərə” malik olduğunu qeyd edib.
Bundan əvvəl ABŞ Dövlət katibi Antoni Blinken ABŞ-ın 2022-ci ildə Avropa İttifaqına 56 milyard kubmetr qaz ixrac etdiyini bildirib. Qərbin Rusiyaya qarşı sanksiyaları fonunda ABŞ-dan mayeləşdirilmiş təbii qazın Avropaya tədarükü 2021-ci illə müqayisədə iki dəfə artıb.
Bölmənin digər xəbərləri
