Avstraliyanın ən böyük pensiya fondları haker hücumuna məruz qalıb
Bakı, 4 aprel, AZƏRTAC
Hakerlər Avstraliyanın “AustralianSuper”, “Rest Super” və “Insignia Financial” kimi ən böyük pensiya fondlarına hücum edərək müştəri hesablarından parolları oğurlayıblar.
AZƏRTAC xəbər verir ki, bu barədə kibertəhlükəsizlik üzrə dövlət koordinatoru Mişel Makginnes X sosial şəbəkəsində bildirib.
“Bəzi pensiya fondlarında şəxsi hesab sahibləri kibercinayətkarların hədəfinə çevrilib. Avstraliyanın dövlət qurumları və bizim maliyyə sistemimizin tənzimləyiciləri indi fəaliyyətləri əlaqələndirmək üçün müvafiq bazar iştirakçıları ilə işləyirlər”, - deyə Makginnes vurğulayıb.
O əlavə edib ki, hakimiyyət orqanları vətəndaşların təhlükəsizliyini təmin etmək üçün potensial təsirə məruz qalan bütün pensiya fondları ilə əlaqə saxlayıblar.
Bölmənin digər xəbərləri
