Azərbaycan diasporu ölkəmizi “Maqdeburq dünya ilə görüşür” adlı tədbirdə təmsil etmişdir
Bakı, 24 sentyabr (AZƏRTAC). Almaniyanın Maqdeburq şəhərində “Maqdeburq dünya ilə görüşür” şüarı altında tədbir keçirilmişdir. Tədbirdə 20 ölkənin Zaxhsen-Anhalt əyalətində fəaliyyət göstərən cəmiyyətləri ölkələrini təmsil etmişlər.
Diasporla İş üzrə Dövlət Komitəsindən AZƏRTAC-a bildirmişlər ki, tədbirdə Azərbaycanı təmsil edən Zaxhsen-Anhalt əyaləti üzrə Alman-Azərbaycan Cəmiyyəti iştirakçılara ölkəmiz haqqında geniş məlumat vermişdir. İştirakçılara, həmçinin Azərbaycanın Almaniyadakı səfirliyi tərəfindən təqdim olunmuş Qarabağa aid kitablar, bukletlər və başqa vəsaitlər paylanmış, ölkəmizlə bağlı onların sualları cavablandırılmışdır.
Bölmənin digər xəbərləri
