AZƏRBAYCAN JURNALİSTLƏR BİRLİYİNİN YUBİLEYİ BERLİNDƏ DƏ QEYD EDİLƏCƏKDİR
Bakı, 18 may (AZƏRTAC). Azərbaycan Jurnalistlər Birliyinin 50 illik yubileyi Almaniyanın paytaxtı Berlində qeyd ediləcəkdir.
Yubiley mərasiminin təşkilatçısı Almaniyada fəaliyyət göstərən Nizami Gəncəvi adına Mədəniyyət İnstitutudur. İnstitutun direktoru Nuridə Atəşi, eyni zamanda Azərbaycan Jurnalistlər Birliyinin Almaniya və Avropa üzrə rəsmi nümayəndəsidir.
Mayın 25-də keçiriləcək yubiley mərasiminə birliyin sədri Elçin Şıxlinski də qatılacaqdır.
Yubiley mərasimində Almaniya Bundestaqının, Xarici İşlər Nazirliyinin, Federal Kansler İdarəsinin, Berlin Senatının rəsmiləri, görkəmli ictimai xadimlər və aparıcı KİV-lərin nümayəndələri iştirak edəcəklər.
Bölmənin digər xəbərləri
