Azərbaycan Turizm İnstitutunun tələbələri təcrübə keçmək üçün İsrailə yola düşmüşlər
Bakı, 12 aprel (AZƏRTAC). Azərbaycan Turizm İnstitutunun (ATİ) 16 tələbəsi İsraildəki “İsrotel” mehmanxanalar şəbəkəsində 5 aylıq təcrübə keçmək üçün bu ölkəyə yola düşmüşdür.
İsrailin Azərbaycandakı səfirliyinin media departamentindən AZƏRTAC-a bildirmişlər ki, bu proqram səfirliK tərəfindən ATİ-nin Eilat şəhərində yerləşən “İsrotel” mehmanxanalar şəbəkəsi ilə birgə əməkdaşlığı çərçivəsində həyata keçirilir.
Artıq üç ildir ki, səfirliyin uğurla həyata keçirdiyi layihənin məqsədi ATİ-nin tələbələrinə beynəlxalq mehmanxana biznesi üzrə təcrübə toplamağa imkan yaratmaqdır. Bu təcrübə tələbələrin gələcək karyerasına böyük töhfə verəcəkdir.
Bölmənin digər xəbərləri
