Azərbaycan Turizm və Menecment Universitetinin beynəlxalq əlaqələri genişlənir
Bakı, 16 iyun, AZƏRTAC
Şimali Kipr Türk Respublikasının Bakı təmsilçisi Ufuk Turganer Azərbaycan Turizm və Menecment Universitetində (ATMU) olub.
Universitetdən AZƏRTAC-a bildirilib ki, görüşdə ATMU-nun rektoru, professor Cəfər Cəfərov ölkələrimiz arasındakı sarsılmaz dostluq və qardaşlıq əlaqələrinin möhkəm təməllər üzərində qurulmasından və inkişafından söz açıb.
Rəhbərlik etdiyi ali məktəbin fəaliyyət istiqamətləri barədə məlumat verən rektor tədris-təlim-tədqiqat-təcrübə modelinin ixtisaslı kadr hazırlığı prosesində əhəmiyyətli rol oynadığını deyib. Eyni zamanda, ATMU-nun Şimali Kiprin nüfuzlu ali təhsil müəssisələri ilə əlaqələrinin səmərəli olduğunu, universitet tələblərinin yay tanışlıq təcrübəsinin təşkilindən faydalandıqlarını diqqətə çatdırıb.
C.Cəfərov və U.Turganer mövcud əlaqələr kontekstində ikitərəfli əməkdaşlığın daha da inkişafında maraqlı olduqlarını ifadə ediblər.
Bölmənin digər xəbərləri
