Azərbaycana gələn xarici vətəndaşların sayı artmışdır
Bakı, 30 avqust (AZƏRTAC). Bu ilin birinci yarısında Azərbaycana gələn xarici ölkə vətəndaşlarının sayı 2012-ci ilin müvafiq dövrü ilə müqayisədə artmışdır.
Mədəniyyət və Turizm Nazirliyindən AZƏRTAC-a bildirmişlər ki, cari ilin altı ayı ərzində respublikamıza gələn əcnəbi vətəndaşların sayı ötən ilin müvafiq dövrü ilə müqayisədə 108 130 nəfər və ya 9,9 faiz artaraq 1196953 nəfər olmuşdur. Onların 418012 nəfəri Rusiya Federasiyası, 400542 nəfəri Gürcüstan, 173861 nəfəri Türkiyə, 70254 nəfəri İran İslam Respublikası, 8298 nəfəri Avropa regionu, 125986 nəfəri isə digər ölkələrin vətəndaşları olmuşdur.
Ötən ilin müvafiq dövrü ilə müqayisədə Azərbaycana gələn əcnəbi vətəndaşların sayında artım MDB ölkələri üzrə 18,7, Avropa İttifaqı üzrə 22,9, Asiya üzrə 7,3, Afrika üzrə 37,5 və Amerika və Avstraliya ölkələri üzrə 19,2 faiz təşkil etmişdir.
Cari ilin birinci yarısında Azərbaycana gələn xarici ölkə vətəndaşlarının sayında artım ötən ilin müvafiq dövrü ilə müqayisədə 9,9 olduğu halda, dünya üzrə beynəlxalq ziyarətçilər və ayrıca Avropa regionuna gələnlərin sayında artım cəmi 5 faiz təşkil etmişdir.
Bölmənin digər xəbərləri
