Azərbaycanda ekoloji təsərrüfat modeli yaradılır
Bakı, 25 may (AZƏRTAC). Azərbaycanda ABŞ-ın Sülh Korpusunun dəstəyi ilə Aqro İnformasiya Mərkəzinin (AİM) həyata keçirdiyi “Ekoloji təsərrüfat” layihəsi çərçivəsində təsərrüfatlarda yağış suyundan, məişət tullantılarından səmərəli istifadə olunacaq, günəş şüaları ilə meyvələrin qurudulması tətbiq ediləcəkdir.
Mərkəzdən AZƏRTAC-a bildirmişlər ki, bunun üçün Ağdam, Bərdə və Tərtər rayonlarından 15 kənd seçilmişdir. Məqsəd təsərrüfatlarda vəsait xərclərini azaltmaq, məhsul hasilatını artırmaq və ekoloji cəhətdən uyğun metodlar vasitəsilə fermerlərin gəlirlərini artırmaqdır.
Layihəyə daha çox ekoloji təmiz məhsullar becərən təsərrüfatlar cəlb edilmişdir.
Bölmənin digər xəbərləri
