Azərbaycandakı humanitar minatəmizləmə fəaliyyətində İsveçlə mümkün əməkdaşlıq imkanları müzakirə olunub
Bakı, 23 avqust, AZƏRTAC
Azərbaycan Respublikası Minatəmizləmə Agentliyinin (ANAMA) İdarə Heyəti sədrinin müavini Samir Poladov İsveç Krallığının ölkəmizdəki səfiri Tobias Lorentzson ilə görüşüb.
ANAMA-nın mətbuat xidmətindən AZƏRTAC-a bildirilib ki, Samir Poladov işğaldan azad edilmiş ərazilərdə təhlükəsiz bərpa və yenidənqurma işləri, dayanıqlı məskunlaşma məqsədilə aparılan genişmiqyaslı minatəmizləmə əməliyyatlarının gedişatı barədə qarşı tərəfə məlumat verib.
Görüş əsnasında Azərbaycanda icra edilən humanitar minatəmizləmə fəaliyyətində İsveç Krallığı ilə mümkün əməkdaşlıq imkanlarına dair qarşılıqlı fikir mübadiləsi aparılıb.
Bölmənin digər xəbərləri
