Azərbaycanın güləş millisi dünya üçüncüsü olub
Bakı, 21 avqust, AZƏRTAC
İordaniyanın Əmman şəhərində keçirilən U-17 dünya çempionatında yunan-Roma güləşi üzrə yarışa yekun vurulub.
AZƏRTAC xəbər verir ki, böyük məşqçi Taleh İsrafilov, məşqçilər Nazim Əhmədov və Rasim Ağayevin rəhbərliyi altında dünya çempionatında iştirak edən milli komandamız 3 medal qazanıb.
Turan Daşdəmirov (51 kiloqram) və Ayxan Cavadov (60 kiloqram) bütün rəqiblərinə qalib gələrək dünya çempionu olub. Əmrah Əmrahov (48 kiloqram) isə bürünc mükafat əldə edib.
Yekunda 105 xal toplayan Azərbaycan yığması komanda hesabında dünya üçüncüsü olub. İran (140) birinci, Özbəkistan (113) isə ikinci yeri tutub.
Bölmənin digər xəbərləri
