Azərbaycanın “My Travel” turizm şirkətinin Daşkənd və Səmərqənddə təqdimatı olacaq
Daşkənd, 13 noyabr, АZƏRTAC
Azərbaycanın “My Travel” turizm şirkətinin noyabrın 16-da Daşkənddəki Heydər Əliyev adına Azərbaycan Mədəniyyət Mərkəzində, noyabrın 20-də isə Səmərqənddəki “Platan” otelində təqdimat keçiriləcək.
AZƏRTAC xəbər verir ki, tədbirlərdə Azərbaycan turizminin inkişafı barədə, müalicəvi Naftalan nefti və sanatoriyalar, otellərin təqdim etdiyi tibb xidmətləri haqqında məlumat veriləcək, Qubanın turizm imkanlarından danışılacaq.
Azərbaycandan gələn turizm şirkətinin nümayəndələrinin yerli turizm şirkətləri ilə əməkdaşlığa dair danışıqlar aparacağı da gözlənilir.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
