AZƏRBAYCANLI DOKTORANT ALMANİYANIN PAYTAXTINDA DAĞLIQ QARABAĞ HAQQINDA MÜHAZIRƏ OXUMUŞDUR
Berlin, 2 iyul (AZƏRTAC). Almaniyadakı Azərbaycanlıların Koordinasiya Mərkəzində bu ölkədəki səfirliyimizin dəstəyi ilə təşkil olunmuş tədbirdə Mannhaym Avropa Sosial Araşdırmalar Mərkəzinin elmi işçisi və doktorantı Azər Babayev Dağlıq Qarabağ münaqişəsinin Cənubi Osetiya hadisələrindən sonra vəziyyəti haqqında mühazirə oxumuşdur. Axşamın aparıcısı Milli Məclis üzvü, Birləşmiş Millətlər Alman Cəmiyyəti sədrinin müavini Dr.Andreas Köhler idi.
Məruzəçi Dağlıq Qarabağ münaqişəsinin müxtəlif nöqteyi nəzərlərdən təhlil edərək məsəlnin həllinin əsas şərtlərini - Azərbaycanın ərazi bütövlüyünün bərpasını, Azərbaycan qaçqın və məcburi köçkünlərinin öz tarixi vətənlərinə geri dönməsini- dinləyicilərin diqqətinə çatdırmışdır.
Tədbirdə Almaniyadakı Azərbaycan səfirliyinin nümayəndəsi, Bundestaqın üzvləri, Deutsche Vellenin jurnalisti, Haynrih Böll Fondunun elmi işçiləri, Azərbaycan diasporunun nümayəndələri iştirak etmişlər.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
