Azərbaycanlı voleybolçu Ayşən Abduləzimova Macarıstan çempionatının ən yaxşı oyunçusu seçilib
Bakı, 13 may, AZƏRTAC
“Vaşaş” klubunun heyətində Macarıstan çempionu olan Azərbaycan millisinin voleybolçusu Ayşən Abduləzimova daha bir uğura imza atıb.
AZƏRTAC Azərbaycan Voleybol Federasiyasının mətbuat xidmətinə istinadla xəbər verir ki, 29 yaşlı idmançı çempionatın ən dəyərli oyunçusu (MVP) mükafatına layiq görülüb.
Qeyd edək ki, A.Abduləzimova “Vaşaş”ın heyətində üçüncü dəfə qızıl medala sahib olub. O, daha öncə Macarıstan kuboku yarışlarının ikiqat qalibi adını qazanıb.
Bölmənin digər xəbərləri
