Bakı şəhəri haqqında bələdçi-kataloqların ITunes üçün elektron variantı hazırlanmışdır
Bakı, 26 aprel (AZƏRTAC). Mədəniyyət və Turizm Nazirliyinin “Azərbaycanı kəşf edək. Bələdçi kitablar” layihəsi çərçivəsində Böyük Britaniya və Şimali İrlandiya Birləşmiş Krallığının “Filmer Limited” şirkəti tərəfindən hazırlanmış Bakı şəhəri haqqında “Hedonist’s Guide to Baku” adlı bələdçi-kataloqların İPhone telefonları, İPad planşetləri üçün nəzərdə tutulan və İTunesdən yüklənə bilən elektron variantı hazırlanmışdır və 9.99 funt sterlinqə satılmaqdadır.
Mədəniyyət və Turizm Nazirliyinin mətbuat xidmətindən AZƏRTAC-a bildirmişlər ki, eyni zamanda, İTunes üçün elektron variantın hazırlanması barədə məlumat “Hedonist’s Guide” ın Facebook, Twitter və Foursquare sosial şəbəkə səhifələrində yerləşdirilmişdir.
Ötən il sentyabrın 29-da Dünya Turizm Günü ilə əlaqədar olaraq “Hedonist’s Guide to Baku” bələdçi-kataloqların çap variantının Bakı Biznes Mərkəzində təqdimatı keçirilmişdir.
Bölmənin digər xəbərləri
