Bakıda Litvanın turizm potensialına dair seminar-təqdimat keçirilmişdir
Bakı, 2 may (AZƏRTAC). AZƏRTAC xəbər verir ki, mayın 2-də Litvanın Azərbaycandakı səfirliyində bu ölkənin turizm potensialına dair seminar-təqdimat keçirilmişdir.
Litvanın ölkəmizdəki səfiri Kestutis Kudzmanas bildirmişdir ki,
turizm sahəsində biznesin inkişafı baxımından Azərbaycan-Litva münasibətləri böyük potensiala malikdir. Bugünkü tədbirin məqsədi ölkələrimiz arasında bu sahədə əlaqələri genişləndirməkdir.
Litvanın Turizm Departamentinin nümayəndəsi Raymonda Balnene tədbirdə iştirak edən Azərbaycanın turizm şirkətlərinin nümayəndələrinə Litvanın müxtəlif növ turizm imkanları barədə ətraflı məlumat vermişdir. O bildirmişdir ki, keçən il Litvanı 1,5 milyon xarici turist ziyarət etmişdir. Bunlar əsasən qonşu ölkələr - Rusiya, Belarus, Polşa və Almaniyadan gələnlərdir. Təəssüf ki, Litvaya gələn azərbaycanlı turistlərin sayı çox deyil. Ümid edirik ki, yaxın vaxtlarda onların sayı artacaqdır.
Bölmənin digər xəbərləri
