BƏƏ və Türkiyə arasında 50,7 milyard dollarlıq əməkdaşlıq sazişləri imzalanıb
Bakı, 19 iyul, AZƏRTAC
Türkiyə Prezidenti Rəcəb Tayyib Ərdoğanın Birləşmiş Ərəb Əmirliklərinə (BƏƏ) səfəri zamanı iki ölkə arasında ümumi dəyəri 50,7 milyard dollar olan 13 sənəd imzalanıb.
AZƏRTAC Türkiyə KİV-lərinə istinadla xəbər verir ki, imzalanan sənədlər enerji, nəqliyyat, infrastruktur, logistika, elektron ticarət, maliyyə, səhiyyə, qida, turizm, daşınmaz əmlak, tikinti, müdafiə sənayesi, süni intellekt və qabaqcıl texnologiyalar kimi sahələri əhatə edir.
Həmçinin tərəflər Türkiyə və BƏƏ prezidentlərinin sədrliyi ilə Yüksək Səviyyəli Strateji Şuranın yaradılması barədə razılığa gəliblər. Bununla Birləşmiş Ərəb Əmirlikləri ilə əlaqələr strateji tərəfdaşlıq səviyyəsinə yüksəldilib.
Bölmənin digər xəbərləri
