Belçika Kralı Benilüks Azərbaycanlıları Konqresinə təşəkkür məktubu göndərmişdir
Paris, 16 avqust (AZƏRTAC). Əsas mənzil-qərargahı Amsterdam şəhərində yerləşən Benilüks Azərbaycanlıları Konqresinin (BAK) mətbuat xidmətindən AZƏRTAC-a bildirmişlər ki, Belçika Kralı əlahəzrət l Albertin protokol rəhbəri vitse-admiral Pierre Vamauts BAK-ın ünvanına təşəkkür məktubu göndərmişdir.
Məktubda Əlahəzrət kral l Albert BAK-ın Belçikanın Milli Günü münasibətilə onun adına göndərilmiş təbrik məktubundan böyük məmnunluq hissi keçirdiyini bəyan etmiş və təşkilata öz təşəkkürünü bildirmişdir.
Məktubda, həmçinin qeyd edilmişdir ki, BAK-ın hədiyyə etdiyi “Azərbaycan muğamı” albomu əlahəzrət Krala Azərbaycanın zəngin milli musiqisi və onun tərkib hissəsi olan muğamın tarixi ilə yaxından tanış olmaq imkanı yaratmışdır.
Əsgər Əliyev
AZƏRTAC-ın xüsusi müxbiri
Paris
Bölmənin digər xəbərləri
