BERLİNDƏ AAKM İDARƏ HEYƏTİNİN İCLASI KEÇİRİLMİŞDİR
Berlin, 12 noyabr (AZƏRTAC). Berlində Almaniyadakı Azərbaycanlıların Koordinasiya Mərkəzinin (AAKM) idarə heyətinin növbəti iclası keçirilmişdir.
İclasda Almaniyada Azərbaycan diasporunun fəaliyyətinin genişləndirilməsi yollarının araşdırılması və Dünya Azərbaycanlılarının Həmrəyliyi Gününün qeyd olunması məsələləri müzakirə olunmuş, 2010-cu il üçün tədbirlər üzrə təkliflər verilmişdir.
Sonra iclas Berlin şəhəri Azərbaycan və türk diasporu nümayəndələrinin iştirakı ilə geniş formatda davam etmişdir.
Azərbaycanın Almaniyadakı səfiri Pərviz Şahbazovun çıxış etdiyi tədbirdə Türkiyə-Ermənistan münasibətlərinin Dağlıq Qarabağ münaqişəsinin həllinə təsir edən və türk diasporu ilə əməkdaşlığın gücləndirilməsinə dair problemlərdən danışılmışdır.
Çıxışlarda qeyd edilmişdir ki, iki dövlət arasında əlaqələrin yaradılması həmin dövlətləriin suveren haqqıdır. Lakin mövcud vəziyyətdə Türkiyə ilə Ermənistan arasında münasibətlərin yaxşılaşması Azərbaycanın marağına ziddir.
Vüqar Seyidov
AZƏRTAC-ın xüsusi müxbiri
Berlin
######
Bölmənin digər xəbərləri
