BERTİ FOQTS KLUB MƏŞQÇİLƏRI İLƏ GÖRÜŞÜB
Bakı, 26 fevral (AZƏRTAC). AFFA-nın inzibati binasında Azərbaycan millisinin baş məşqçisi Berti Foqts Premyer Liqada çıxış edən klubların çalışdırıcıları - Valentin Xodukin (“İnter”), Gyoko Hacıyevski (“Bakı”) və Qurban Qurbanovla (“Qarabağ”) görüşmüşdür.
Görüş zamanı klublardakı futbolçuların hazırlıq səviyyəsi, milli komandanın təlim-məşq toplanışının təqvimi ilə bağlı müzakirələr aparılmışdır.
Görüşdən razı qalan məşqçilər təcrübə mübadiləsinin ümumilikdə ölkə futbolunun inkişafında müsbət rol oynayacağını bildirmişlər.
Berti Foqts digər komandaların baş məşqçiləri ilə də görüşlər keçirəcək.
Bölmənin digər xəbərləri
