Beynəlxalq usta: Azərbaycan çempionatında iştirak edən şahmatçılar üçün Naxçıvanda hər cür şərait yaradılıb
Naxçıvan, 31 may, AZƏRTAC
2014-cü ildən Naxçıvanda təşkil edilən beynəlxalq şahmat yarışlarında iştirak edirəm. 2016-cı ildən A qrupunda oynayıram. 2019-cu ildə Naxçıvan şəhərində keçirilən şahmat yarışında qızlar arasında A qrupunda birinci yerə çıxmışam.
AZƏRTAC-ın Naxçıvan bürosu xəbər verir ki, bu sözləri Naxçıvanda keçirilən qadınlar arasında şahmat üzrə Azərbaycan çempionatının iştirakçısı, qadınlar arasında beynəlxalq usta Gövhər Beydullayeva deyib.
Altı yaşında şahmat oynamağı öyrəndiyini bildirən Gövhər Beydullayeva qeyd edib ki, Naxçıvan diyarı ona həmişə uğur gətirib. Ona görə də bu çempionatın Naxçıvanda təşkilinə çox sevinib.
Beynəlxalq usta 2017-ci ildə Avropa çempionu, 2019-cu ildə komandaları ilə birgə olimpiya çempionu olub. O, Naxçıvanın gözəlliyinə heyran olduğunu vurğulayaraq qeyd edib ki, Azərbaycan çempionatında iştirak edən şahmatçılar üçün burada hər cür şərait yaradılıb.
Bölmənin digər xəbərləri
