BİNASIZ TEATRLAR KİNOTEATRLARDA YERLƏŞDİRİLƏCƏK
Nazirliyin qərarı ilə İrəvan Dövlət Azərbaycan Dram Teatrı “Nərimanov”, Şuşa Dövlət Musiqili Dram Teatrı “Savalan”, Dövlət Gənclər Teatrı “Dostluq”, Dövlət Pantomim Teatrı “Şəfəq” kinoteatrlarında yerləşdiriləcəkdir. Bununla kinoteatrlarda kənar təşkilatların fəaliyyəti dayandırılacaq və orada təmir işləri aparıldıqdan sonra müasir tamaşaçı tələbatına uyğun şərait yaradılacaqdır. Bu da həm kino, həm də teatrsevərlərə yüksək səviyyədə xidmət göstərilməsinə imkan verəcəkdir.
Kinoteatrların kommunal xərclərinin bir hissəsi teatrların hesabına ödəniləcək, müəyyən təsərrüfat funksiyaları teatr işçiləri tərəfindən yerinə yetiriləcəkdir. Kinoteatrların inzibati və texniki heyəti də teatrlarda daimi işlə təmin olunacaqlar.
Bölmənin digər xəbərləri
