Birləşmiş Ərəb Əmirliklərinin İsrailə təyin olunan ilk səfiri Təl-Əvivə yollanıb

01.03.2021 [16:32]
Çap et
A⁺ A^-

Qahirə, 1 mart, AZƏRTAC

Birləşmiş Ərəb Əmirliklərinin (BƏƏ) tarixində İsrailə təyin edilmiş ilk səfir Təl-Əvivə yollanıb.

AZƏRTAC Emirates informasiya agentliyinə istinadla xəbər verir ki, Əbu-Dabidə diplomatik missiyanın rəhbəri Məhəmməd Mahmud Əl-Xajanın andiçmə mərasimi keçirilib. BƏƏ-nin vitse-prezidenti, Baş nazir və Dubay Əmiri Şeyx Məhəmməd bin Rəşid ölkənin İsraildəki ilk səfirinə uğurlar arzulayıb. Yanvarın 24-də isə İsrailin Əbu-Dabidə səfirliyinin açılış mərasimi olmuşdu.

İsraillə BƏƏ arasında sülh sazişi ötən il sentyabrın 15-də imzalanıb. Daha sonra iki ölkə arasında birbaşa aviareyslərin həyata keçirilməsi, iqtisadi və ticari əməkdaşlığa dair sənədlər imzalanıb.

Oqtay Bayramov

AZƏRTAC-ın xüsusi müxbiri

Qahirə