Böyük Britaniyada 20 milyondan çox insana koronavirusa qarşı peyvənd vurulub
London, 1 mart, AZƏRTAC
Böyük Britaniyada 20 milyondan çox insana koronavirusa qarşı peyvəndin 1-ci dozası, 800 mindən çox insana isə 2-ci dozası vurulub.
Surətli şəkildə peyvəndlənmə prosesi davam edərkən ölkədə 4 milyon 176 min 554 nəfər koronavirusa yoluxub 122 min 849 nəfər isə həyatını itirib.
Krallıqda səhiyyə işçilərinin apardığı tədqiqatlar zaman Braziliyada tapılan koronavirus variantına yoluxmuş xəstələr aşkarlanıb. Belə ki, Braziliyadan səyahət edən 6 nəfərdə tapılan yeni variant narahatlığa səbəb olub. Lakin Milli Səhiyyə Xidmətinin professoru Stefen Povis peyvəndlərin yeni variantlara qarşı təsirli olacağını söyləyib.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
