Braziliyada yeni növ koronavirusdan ölənlərin sayı 150 mini ötüb
Bakı, 11 oktyabr, AZƏRTAC
Braziliyada yeni növ koronavirusdan (COVID-19) ölənlərin sayı 150 min 198 nəfərə çatıb. Onlardan 559 nəfəri ötən sutka vəfat edib.
AZƏRTAC TASS informasiya agentliyinə istinadla xəbər verir ki, bu barədə Braziliyanın Səhiyyə Nazirliyinin yaydığı məlumatda bildirilir. Ölkədə xəstəliyə yoluxanların ümumi sayı 5 milyon 82 min 637 nəfərdir. Ötən gün 26 min 749 nəfərdə yoluxma aşkarlanıb. Ümumiyyətlə, yoluxanların 85 faizindən çoxu (4 milyon 453 min 722 nəfər) sağalıb, 478 min 717 nəfər həkim nəzarəti altındadır. Ölkə əhalisinin hər 100 min nəfərinə orta hesabla 2419 yoluxma halı və 71 ölüm faktı düşür.
Braziliyada koronavirusa ilk yoluxma faktı fevralın 26-da qeydə alınıb. Bu ölkə ən çox yoluxma sayına görə ABŞ və Hindistandan sonra üçüncü yerdədir. Koronavirusdan ölənlərin sayına görə yalnız ABŞ-dan geridədir.
Bölmənin digər xəbərləri
