Bu gün “UEFA U-17” Avropa çempionatının qrup mərhələsinə yekun vurulacaq
Bakı, 12 may, AZƏRTAC
Bu gün 17 yaşadək futbolçular arasında Avropa çempionatının qrup mərhələsinə yekun vurulacaq.
AZƏRTAC xəbər verir ki, “C” və “D” qrupunda yer alan komandalar ilkin mərhələdəki son görüşlərini keçirəcəklər.
Əvvəlcə meydana “D” qrupunun təmsilçiləri çıxacaqlar. Saat 14:00-da start veriləcək matçlarda İspaniya millisi İtaliya, Serbiya yığması isə Hollandiya ilə qarşılaşacaq. Bütün komandaların növbəti mərhələyə keçmək şansı olduğu üçün hər iki matçın gərgin mübarizəyə səhnə olacağı gözlənilir.
“C” qrupunda da vəziyyət eynidir. İsveç millisi Fransa, Danimarka komandası isə İngiltərə ilə dörddəbir finala vəsiqə qazanmaq üçün yarışacaq.
Bölmənin digər xəbərləri
