Bakı, 24 sentyabr, AZƏRTAC

“Böyük dəbilqə” turnirinə qızıl medal qazanmaq üçün qatılmışdım. Lakin tam yaxşı formada deyildim, ona görə də mübarizə aparmaq çətin oldu. Təbii ki, yarışda gərgin mübarizə hökm sürürdü.

AZƏRTAC xəbər verir ki, bu sözləri “Böyük dəbilqə” turnirinin bürünc medal mükafatçısı Zelim Kotsoyev deyib.

Cüdoçu bürünc medal əldə etdiyi üçün sevincli olduğunu bildirib: “Çox istərdim ki, paytaxtımızda qalib olub, keçən il qazandığım nailiyyəti yeniləyim”.

O, bir aydan sonra cüdo üzrə Avropa çempionatının keçiriləcəyini vurğulayıb: “Çempionata bütün gücümlə hazırlaşıram. Əlimdən gələni edəcəyəm ki, həmin yarışlarda qalib olub, Azərbaycan bayrağını yüksəklərdə dalğalandırım”.