Cari ilin 9 ayında Azərbaycan 15 beynəlxalq turizm sərgisində iştirak etmişdir
Bakı, 1 oktyabr (AZƏRTAC). Ölkəmizin turizm potensialının dünyada təşviqi məqsədilə cari ilin 9 ayı ərzində Mədəniyyət və Turizm Nazirliyi yerli turizm şirkətləri və mehmanxanalarla birgə Nyu-York, İstanbul, Tehran, Madrid, Berlin, Moskva, Kiyev, Pekin, Dubay, Tokio, Paris və digər şəhərlərində keçirilən beynəlxalq turizm sərgilərində iştirak etmişdir.
Hesabat dövründə ingilis, rus, ərəb, çin, fransız, ispan və alman dillərində müxtəlif növ reklam-çap məhsulları hazırlamış və sərgilərdə paylanılmışdır.
Mədəniyyət və Turizm Nazirliyinin turizm şöbəsindən AZƏRTAC-a bildirmişlər ki, ümumilikdə, bu dövr ərzində ölkəmiz 15 beynəlxalq turizm sərgisində təmsil olunmuş və ilin sonunadək daha 4 beynəlxalq sərgidə iştirakımız nəzərdə tutulmuşdur.
Bölmənin digər xəbərləri
