Çaylarda suyun səviyyəsi ötən illə müqayisədə aşağıdır
Bakı, 11 may (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamenti mayın 11-də çayların vəziyyətini araşdırmışdır.
Nazirliyin mətbuat xidmətindən AZƏRTAC-a bildirmişlər ki, araşdırmaya görə, Böyük Qafqazın çaylarında sululuq ongünlük normanın 65-125, Kiçik Qafqazda 90-140, Lənkəran-Astarada 60-120, Naxçıvan MR çaylarında isə 30-70 faizini təşkil etmişdir. Kür çayının Qıraqkəsəmən məntəqəsində su sərfi saniyədə 515 kubmetr, Qanıx çayının Əyriçay məntəqəsində isə saniyədə 291 kubmetr olmuşdur.
Hazırda Kür çayının aşağı axınındakı Surra məntəqəsində suyun səviyyəsi 435, Şirvanda 332, Salyanda 303, Bankədə 251, Araz çayının Novruzlu məntəqəsində isə 175 santimetrdir ki, bu da ötən ilin müvafiq dövrü ilə müqayisədə aşağı göstəricidir.
Bölmənin digər xəbərləri
