Azərbaycan Dövlət İnformasiya Agentliyi

DÜNYA

ÇİN VƏ QAZAXISTAN NEFT KƏMƏRİ ÇƏKİLMƏSİ HAQQINDA SAZİŞ İMZALAMIŞLAR

17.05.2004 [19:17]
Çap et
A⁺ A^-

AZƏRTAC xəbər verir ki, Çində dövlət səfərində olan Qazaxıstan Prezidenti Nursultan Nazarbayevin mayın 17-də Pekində ÇXR sədri Xu Szintao ilə danışıqlarının yekununa əsasən, Atasu-Alaşankou neft kəmərinin tikintisi haqqında saziş imzalanmışdır.

Sənədi Qazaxıstan tərəfindən imzalayan “QazMunayQaz” neft şirkətinin prezidenti Uzakbay Karabalin imzalama mərasimindən sonra mətbuat konfransında bildirmişdir ki, yaxın vaxtlarda tərəfdaşların bərabər iştirakı ilə müştərək müəssisə yaradılacaqdır. Kəmərin tikintisinə avqustda başlamaq nəzərdə tutulur.

Onun sözlərinə görə, layihənin dəyəri 688 milyon dollar, kəmərin uzunluğu isə 988 kilometrdir. İlk mərhələdə ildə 10 milyon ton, sonralar isə 20 milyon ton neft nəql ediləcəkdir.