COP29 iştirakçısı: Özbəkistan iqlim problemlərini həll etmək üçün geniş islahatlar həyata keçirir
Bakı, 12 noyabr, AZƏRTAC
Özbəkistan iqlim problemlərini həll etmək üçün geniş islahatlar həyata keçirir. Gənclərimiz bu məsələdə fəal iştirak edir, onlar gələcəkdə iqlim vəziyyətinin daha da pisləşməsinin qarşısını almaq üçün tədbirlərin təbliğatı təşəbbüsünü öz əllərinə almalı olacaqlar.
Bu barədə AZƏRTAC-a Özbəkistanın Ekologiya, Ətraf Mühitin Mühafizəsi və İqlim Dəyişmələri Nazirliyinin Beynəlxalq departamentinin əməkdaşı Cavohir Abduxalikov deyib.
Özbəkistanda gənclərin tez-tez iqlim dəyişikliyi məsələlərinə həsr olunmuş tədbirlər keçirdiklərini vurğulayan C.Abduxalikov ölkəsinin COP29-da geniştərkibli nümayəndə heyəti ilə təmsil olunduğunu diqqətə çatdırıb. O, həmçinin ötən il Özbəkistanda Mərkəzi Asiya Ətraf Mühitin və İqlim Dəyişmələrinin Öyrənilməsi Universitetinin açılmasının vacibliyini qeyd edib.
Bölmənin digər xəbərləri
