DAĞ KƏNDLƏRİNİN İNKİŞAFI PROQRAMI HƏYATA KEÇİRİLİR

14.01.2004 [06:16]
Çap et
A⁺ A^-

Kənd Təsərrüfatında Özəl Bölmənin İnkişafına Yardım Agentliyindən AZƏRTAC-a bildirmişlər ki, “Dağ və yüksək dağlıq ərazilərin inkişaf etdirilməsi proqramı”nın mütəxəssisləri Kənd Təsərrüfatı üzrə Beynəlxalq İnkişaf Fondunun məsləhətçisi ilə birlikdə Lerik rayonunun Qosmalyan, Çayrud, Şingədulan, Cəngəmiran, Vizəzəmin kəndlərində sakinlərlə görüşlər keçirmiş, həmin layihənin məqsəd və vəzifələri barədə onlara ətraflı məlumat vermişlər.

Torpaq mülkiyyətçilərinə, sahibkarlara bildirilmişdir ki, bu layihə həmin kəndlərdə bitkiçilik, heyvandarlıq, arıçılıqla məşğul olan fermerlərə güzəştli kreditlər ayırmaqla onların fərdi təsərrüfatlarını inkişaf etdirməyə, irriqasiya problemlərini həll etməyə, ətraf mühiti qorumağa, sosial infrastrukturu yaxşılaşdırmağa yönəldilmişdir.

Yaxın günlərdə rayonda bu proqramın həyata keçirilməsinə başlanılacaqdır. Gələn il isə layihə rayonun daha beş kəndində reallaşdırılacaqdır.