“DƏDƏ QORQUD”DA TURİSTLƏRİN SAYI 100 NƏFƏRƏ ÇATDIRILACAQDIR

20.03.2004 [03:26]
Çap et
A⁺ A^-

Şamaxı rayon idman, gənclər və turizm idarəsinin rəisi Şahmar Hüseynov AZƏRTAC-ın müxbirinə demişdir ki, turizmin inkişafına və sosial-iqtisadi inkişafa nail olmaq üçün və onun imkanlarından səmərəli istifadə etmək məqsədilə bölgədə real işlər görülür. Hazırda rayonda turizm informasiya mərkəzi yaradılır.

Şamaxı-Pirqulu yolunun 25-ci kilometrliyindəki “Dədə Qorqud” istirahət zonasını beynəlxalq səviyəyə çatdırmaqdan ötrü biznes-plan tutulmuş, İqtisadi İnkişaf, habelə Gənclər, İdman və Turizm Nazirliklərinə göndərilmişdir. Burada idman kompleksi, konfrans salonu tikiləcək, gəzinti istiqamətlərindəki cığırlar müəyyənləşdirilməklə qaydaya salınacaq, mövcud 20 kottec beynəlxalq standartlara uyğunlaşdırılacaq və yeniləri tikiləcəkdir.

Hazırda daxili turizm üçün şəraiti olan və 40 nəfər turisti qəbul edə bilən “Dədə Qorqud” istirahət zonasında beynəlxalq standartlara tam cavab verən şərait yaradıldıqdan sonra bu rəqəm 100-ə çatdırılacaqdır.

“DƏDƏ QORQUD”DA TURİSTLƏRİN SAYI 100 NƏFƏRƏ ÇATDIRILACAQDIR

MÜƏLLİFLƏ ƏLAQƏ

Bölmənin digər xəbərləri