Deportasiyaya məruz qalmış qərbi azərbaycanlılar siyahıya alınır
Bakı, 16 dekabr, AZƏRTAC
Dünyada hələ də davam edən problemlərdən biri də xalqların üzləşdiyi deportasiya məsələsidir. Təəssüf ki, Azərbaycan xalqı da ötən əsrdə dörd dəfə deportasiyaya məruz qalıb. Ardıcıl olaraq, 1905, 1918-20, 1948-53, 1988-1991-ci illərdə azərbaycanlılar məcburi şəkildə öz yurdlarından köçürülüb.
AZƏRTAC xəbər verir ki, bu fikirləri jurnalistlərə müsahibəsində Qərbi Azərbaycan İcmasının mətbuat katibi Ülviyyə Zülfiqar söyləyib.
O qeyd edib ki, təkcə 1988-1991-ci illərin deportasiyasında məcburi köçürülən azərbaycanlıların sayı 250 mini ötüb. Bütövlükdə isə 750 mindən çox azərbaycanlı Ermənistan tərəfindən deportasiyaya məruz qalıb. Hazırda Qərbi Azərbaycan İcmasında bununla bağlı siyahıyaalma işləri həyata keçirilir. Bu rəqəmin böyük həcmdə artacağı güman olunur.
Bölmənin digər xəbərləri
