Dərnəgüldəki yeni metro deposunun ətrafında 1000-ə yaxın ağac əkiləcək
Bakı, 4 aprel, AZƏRTAC
“Dərnəgül elektrik deposunun tikintisi zamanı ərazidə olan ağaclar layihəyə uyğun olaraq depo daxilində digər hissələrə köçürüləcək”.
AZƏRTAC xəbər verir ki, bu sözləri Dövlət Ekoloji Ekspertiza Agentliyi tərəfindən keçirilən “Dərnəgül elektrik deposunun tikintisi zamanı ətraf mühitə təsirlərinin, o cümlədən layihəyə düşən yaşıllıqların qiymətləndirilməsi” mövzulu ictimai dinləmədə “Bakı Metropoliteni” QSC-nin Perspektiv inkişaf və əsaslı tikintiyə nəzarət departamentinin rəisi Aftandil Bayramov deyib.
O qeyd edib ki, ağaclar torpaq sahəsinin relyefinə uyğun köçürüləcək və onlara qulluq tam təmin olunacaq: “Eyni zamanda, layihə çərçivəsində 1000-ə yaxın yeni ağacın əkilməsi planlaşdırılır”.
Bölmənin digər xəbərləri
