“Digitalart-lab” layihəsinin iştirakçıları üçün təlim keçirilib
Bakı, 8 fevral, AZƏRTAC
Mədəniyyət Nazirliyi və Azərbaycan Dövlət Rəsm Qalereyasının təşkilatçılığı ilə rəssam Natiq Kamal “Digitalart-lab” layihəsinin iştirakçıları üçün “Game promo-art” mövzusunda praktiki dərs keçib.
Dövlət Rəsm Qalereyasından AZƏRTAC-a bildirilib ki, rəssam yaradıcı sənayenin bir sahəsi olan “Game promo-art”ın inkişaf prosesini və mərhələlərini iştirakçılara izah edib. Nümunə kimi daha öncə rəssamı olduğu oyunun təməl prinsiplərini, səhnələrin yaradılmasını ətraflı izah edib və iştirakçıların suallarını cavablandırıb.
Qeyd edək ki, “Digitalart lab” layihəsinin fevral ayında daha 2 görüşü planlaşdırılır.
Bölmənin digər xəbərləri
