Direktorların müsahibə mərhələsi üzrə apellyasiya müraciətlərinin qəbuluna başlanılır
Bakı, 19 yanvar, AZƏRTAC
Elm və Təhsil Nazirliyi tərəfindən dövlət ümumi təhsil müəssisələrinə direktorların işə qəbulu müsabiqəsinin müsahibə mərhələsi üzrə apellyasiya müraciətlərinin qəbuluna başlanılır.
Nazirlikdən AZƏRTAC-a bildirilib ki, müsahibə mərhələsində uğur qazanmayan namizədlər https://portal.edu.az/ səhifəsində qeydiyyatdan keçməklə müraciət edə bilərlər.
Müraciətlərin qəbulu yanvarın 21-i saat 18:00-da başa çatacaq və qeyd olunan tarixdən sonra edilən müraciətlərə baxılmayacaq.
Müraciət vaxtı başa çatdıqdan sonra namizədlərin şəxsi səhifələrinə müsahibə qrafiki barədə məlumat göndəriləcək.
Bölmənin digər xəbərləri
