“DokuBaku” Beynəlxalq Sənədli Film Festivalı könüllülər axtarışına başlayıb
Bakı, 20 iyul, AZƏRTAC
“DokuBaku” Beynəlxalq Sənədli Film Festivalının təşkilatçıları açılış və bağlanış mərasimlərində, filmlərin nümayişinin təşkilində, tamaşaçıları istiqamətləndirməkdə hər hansı mümkün dəstəyi təmin edəcək könüllülər axtarışına başlayıb.
AZƏRTAC xəbər verir ki, seçiləcək könüllülər sentyabrın 26-dan oktyabrın 1-dək keçirilməsi planlaşdırılan festival günlərində iştirak edəcəklər. Bununla onlar film dünyasına səyahət, bəzi yerli və beynəlxalq film ekspertləri ilə real görüş, həmçinin festival həyatından dəyərli təcrübə qazanacaqlar.
Qeyd olunan linkə https://cutt.ly/hwo0jpC1 daxil olmaqla qeydiyyatdan keçmək olar. Müraciətlər avqustun 20-dək qəbul olunur.
Bölmənin digər xəbərləri
