Dolu Ağdam və Tərtər rayonlarına ziyan vurmuşdur
Tərtər, 30 may (AZƏRTAC). Mayın 29-da axşam saatlarında Ağdam və Tərtər rayonlarına yağan dolu təsərrüfatlara ziyan vurmuşdur.
Rayon fövqəladə hallar komissiyalarından AZƏRTAC-a bildirmişlər ki, Tərtər rayonunun Qazyan, Azad Qaraqoyunlu və Köçərli, Ağdam rayonunun Təzəkənd kəndlərinə, məcburi köçkünlərin məskunlaşdığı Dördyol ərazisinə diametri 2-4 santimetr olan dolu dənələrinin yağması nəticəsində həyətyanı təsərrüfatlara, əkin sahələrinə, taxıl zəmilərinə ziyan dəymişdir.
Rayon fövqəladə hallar komissiyaları tərəfindən dəymiş ziyan araşdırılır.
Bölmənin digər xəbərləri
