Donald Tramp martın 18-də Vladimir Putinlə danışacaq
Bakı, 17 mart, AZƏRTAC
ABŞ Prezidenti Donald Tramp martın 18-də Rusiya Prezidenti Vladimir Putinlə telefon danışığı aparmaq niyyətindədir.
AZƏRTAC xəbər verir ki, Donald Tramp bu barədə Ağ evdə təşkil olunan mətbuat konfransında deyib.
Birləşmiş Ştatların dövlət başçısı Rusiya lideri ilə Ukraynanın işğal olunmuş əraziləri məsələsini müzakirə etmək niyyətində olduğunu vurğulayıb. “Düşünürəm ki, biz ərazilər və elektrik stansiyaları haqqında danışacağıq, çünki bu, vacib məsələdir”, - deyə ABŞ Prezidenti bildirib.
Onun sözlərinə görə, hazırda Ukrayna münaqişəsini həll etmək üçün çox yaxşı şans yaranıb.
Bölmənin digər xəbərləri
