Dövlət Gömrük Komitəsi sədrinin Naxçıvanda vətəndaşlarla görüşünün vaxtı dəyişib
Bakı, 8 avqust, AZƏRTAC
Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Dövlət Gömrük Komitəsinin (DGK) sədri, gömrük xidməti general-leytenantı Şahin Bağırovun Naxçıvan şəhərində avqustun 29-na nəzərdə tutulmuş vətəndaşlarla görüşü avqustun 14-nə keçirilib.
Dövlət Gömrük Komitəsinin Mətbuat və İctimaiyyətlə Əlaqələr İdarəsindən AZƏRTAC-a bildirilib ki, DGK sədri avqustun 14-də saat 10:00-da Naxçıvan Baş Gömrük İdarəsində Naxçıvan şəhəri, Babək, Culfa, Kəngərli, Ordubad, Sədərək, Şahbuz və Şərur rayonlarından olan vətəndaşlarla görüşəcək.
Görüş zamanı sakinlərin gömrük məsələləri ilə bağlı müraciətləri dinləniləcək.
Bölmənin digər xəbərləri
